×

Usamos cookies propios e de terceiros para mellorar os nosos servizos. Se continúa a navegar, consideramos que aceptar o seu uso. Pode obter máis información aquí.

Loading
C.R.D.O.P. Arzúa-Ulloa

A Denominación de Orixe Protexida Arzúa-Ulloa ampara os queixos elaborados nas comarcas de Arzúa, Melide, A Ulloa, Chantada e Deza, ademais doutros municipios limítrofes, en pleno centro de Galicia.

Trátase do queixo galego por excelencia, un dos catro queixos galegos tradicionais recoñecidos pola UE e o de maior demanda de Galicia. Foi o primeiro queixo galego en ter recoñecemento oficial, en 1989, como Produto Galego de Calidade Queixo de Arzúa.

Os queixos preséntanse en pezas de 0,5 a 3,5 kg e van provistos dunha etiqueta comercial na que figura de maneira destacada a mención de Denominación de Orixe Protexida e unha contraetiqueta expedida e controlada polo Consello Regulador.